ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Авыл

Аксубай игенчеләре алдында 24 мең гектар мәйданга сабан культуралары чәчү бурычы тора

12 май 2018, 05:00

Районда күпьеллык һәм сабан культураларын тукландыру тулысынча тәмамланган.

(Аксубай, 12 май, "Татар-информ", "Авыл таңнары"). Аксубай районы кырларында язгы кыр эшләре тулы көченә бара, дип  яза җирле басма.

Районның авыл хуҗалыгы идарәсеннән алынган мәгълүматларга караганда, күпьеллык һәм сабан культураларын тукландыру тулысынча тәмамланган, планлаштырылган мәйданның 80 процентында сабан культураларын тырмалау, яртысында туңга сөрелгән җирләрне тырмалау үткәрелгән.

Быелгысы язда район игенчеләре алдында 24 мең гектардан артык мәйданга сабан культуралары чәчү бурычы тора. Чәчү агрегатлары туктаусыз эштә, җир хезмәтчәннәре яхшы һава шартларыннан максималь файдаланырга тырышалар. Бүгенгесе көнгә 7,5 мең гектардан артык җир чәчелгән инде. Шул исәптән: 800 гектарга якын мәйданга – сабан бодае, 700 гектарга – арпа, шулай ук борчак һәм вика, 600 гектардан артык мәйданга азык культуралары (берьеллык үләннәр һәм азык катнашмалары), 1,5 мең гектарга якын җиргә техник культуралар (шикәр чөгендере, көнбагыш) чәчелгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10