ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Мәдәният

Казанда үсмерләр өчен клуб концертлары уздыра торган заллар юк - Альбина Бәширова

10 май 2018, 21:43 , Фото: соцсети

Казанда үсмерләр өчен клуб концертлары уздыра торган заллар юк - Альбина Бәширова Татар рэперы Нурминскийның концерты дискотека форматында - Ленин исемендәге мәдәният йортының 2нче катындагы фойеда була, ди концерт директоры.

(Казан, 10 май, «Татар-информ», Рузилә Мөхәммәтова). Казанда үсмерләр белән клуб форматындагы концертлар оештырырлык заллар юк. Бу проблема белән Казанда татар рэперы Альберт Нурминскийның беренче концертын оештырганда концерт директоры Альбина Бәширова очрашкан. “Казанда яшьләр белән дискотека форматында концертлар уздырырлык урыннар юк, - ди Альбина Бәширова. - Төнге клубларда бар андый заллар. Әмма без үсмерләрне төнгә чакыра алмыйбыз бит”.

Альбина Бәширова әйтүенчә, төрле мәдәни залларның администрациясе дискотекалы концертлар өчен залны арендага бирергә дә куркалар, ди. “Белмим, нәрсәсеннән куркалардыр?! Идәнебездә паркет диләр, яңа ремонт диләр... Кукмарада да шундый хәл булды. Казанда да... Безнең тамашачыбыз тәртипле. Альберт Нурминский урам романтикасы турында җырласа да, җыр арасында үзе дә тәртип турында искәртеп тора”.

Альберт Нурминскийның концерты өчен Казанның Авиатөзелеш районында урнашкан Ленин исемендәге мәдәният сарае сайланган. Бары тик бу мәдәният сараеның администрациясе генә бик зур булмаган хакка залны, дөресрәге, мәдәният йортының фойесын арендага бирергә ризалашкан.

Концерт 15 майда була. Башлана - 18.30 сәгатьтә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10