ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Рәсми Татарстан

Согуд Гарәбстаны илчесе: Корольнең Президент белән элекке очрашулары элемтәләрне ныгытты

10 май 2018, 20:35 , Фото: tatarstan.ru

Согуд Гарәбстаны илчесе: Корольнең Президент белән элекке очрашулары элемтәләрне ныгытты Бу хакта Раид Кримли KazanSummit X халыкара икътисад форумы мәйданында Согуд Гарәбстаны делегациясе белән очрашуда әйтте.

(Казан, 10 май, “Татар-информ”).  Согуд Гарәбстаны Короленең Рөстәм Миңнеханов белән элегрәк булган  очрашулары  Россия һәм Согуд Гарәбстаны арасында багланышларны ныгытуга һәм үстерүгә зур өлеш кертте. Согуд Гарәбстанының Россиядәге  илчесе Раид Кримли KazanSummit” X халыкара икътисад форумы мәйданында Согуд Гарәбстаны делегациясе белән очрашуда шулай дип белдерде. Бу хакта Татарстан Президентының матбугат хезмәте хәбәр итә.

Бүген форум кысаларында Татарстан Президенты Рөстәм Миңнеханов белән очрашуда Согуд Гарәбстаны дин эшләре буенча министр урынбасары Абдулла Хейдан, Россиядәге Согуд Гарәбстаны илчесе Раид Кримли, Татарстан Президенты ярдәмчесе Радик Гыйматдинов, Татарстан инвестиция үсеше агентлыгы Талия Миңуллина, Татарстан мөселманнарының Диния нәзарәте рәисе, Татарстан мөфтие Камил хәзрәт Сәмигуллин һәм башка рәсми затлар катнашты.

Встреча Президента Республики Татарстан Р.Н. Минниханова с делегацией Саудовской Аравии

Очрашуда Татарстан белән Согуд Гарәбстаны арасында хезмәттәшлекне ныгыту мәсьәләләре каралды.

Абдулла Хейдан KazanSummitы форумының югары дәрәҗәдә оештырылуын билгеләп үтте.

Рөстәм Миңнеханов Согуд Гарәбстанына Казанга бик вәкаләтле делегация җибәрүләре өчен рәхмәт белдерде. Форумда бизнес вәкилләре кебек үк җәмәгать эшлеклеләре дә эшләвен җиткерде.

Татарстан Президенты шулай ук алга таба республикага Согуд Гарәбстаны сәүдә һәм инвестицияләр министры Маджед Касабинең дә килүенә өмет белдерде.

Встреча Президента Республики Татарстан Р.Н. Минниханова с делегацией Саудовской Аравии

Россиядәге Согуд Гарәбстаны илчесе Раид Кримли Согуд Гарәбстаны Короленең Рөстәм Миңнеханов белән булган ике очрашуны хәтерләвен әйтте. “Әлеге очрашулар Россия һәм Согуд Гарәбстаны арасында багланышларны ныгытуга һәм үстерүгә зур өлеш кертте”, - диде илче.

Встреча Президента Республики Татарстан Р.Н. Минниханова с делегацией Саудовской Аравии


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10