ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Хәвеф-хәтәр

Менделеевск районының баш архитекторы ришвәт алуда гаепләнә

10 май 2018, 11:15

Баш архитектор төзелешкә рөхсәт биргән өчен 48 мең сум акча таләп иткән.

(Казан, 10 май, «Татар-информ»). Менделеевск районының баш архитекторы ришвәт алуда гаепләнә, дип хәбәр итте «Татар-информ» агентлыгына тикшерүчеләргә якын торган чыганак.

Тикшерүчеләр фаразлавынча, әле 2016 елның октябрендә үк Менделеевск районы Башкарма комитеты баш архитекторына бер эшкуар ханым мөрәҗәгать иткән. Ул төзелә торган объектка рөхсәт алу өчен ярдәм сораган.

Моның өчен баш архитектор 48 мең сум акча таләп иткән. ТР буенча Эчке эшләр министрлыгының Икътисади куркынычсызлык идарәсе хезмәткәрләре ачыклаганча, эшкуар баш архитекторга ул сораган акчаны биргән.

Тикшерү комитеты берьюлы ике маддә (ришвәт алу һәм вазифаи вәкаләтләреннән явызларча файдалану) җинаять эше кузгаткан.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10