ҺАВА ТОРЫШЫ -3 oC

Яңалыклар

барлык хәбәрләр Татарстан Россия
×

Икътисад

Татарстан Президенты яңа тимер юл тармагы төзү әһәмияте турында сөйләде

8 май 2018, 10:34 , Фото: tatarstan.ru

Татарстан Президенты яңа тимер юл тармагы төзү әһәмияте турында сөйләде Рөстәм Миңнеханов Мәскәүдә «Россия тимер юллары» башлыгы белән Татарстанда тимер юл транспортын үстерү мәсьәләләре хакында фикер алышты.

(Казан, 8 май, «Татар-информ»). Татарстан Президенты Рөстәм Миңнеханов Мәскәүдә «Россия тимер юллары» ААҖ башлыгы Олег Белозеров белән очрашты. Очрашуда «Алабуга» махсус икътисади зонасына транзит белән Тихоново – Тракторная маршруты буенча яңа тимер юл тармагын төзү проектына аерым игътибар бирелде. Бу хакта республика башлыгының матбугат хезмәте хәбәр итә.

Яңа тимер юл тармагын төзү республиканың өстенлекле транспорт проектларыннан берсе санала, дип искәртте Рөстәм Миңнеханов. Аны сафка бастыру төбәкнең үсеш кичерүче сәнәгате өчен зур әһәмияткә ия. «Алабуга» махсус икътисади зонасы һәм Түбән Камага тимер юл аша пассажирлар, йөк ташу күләмен арттырачак, диде ул.

Очрашу ахырында Татарстан Президенты Россия тимер юллары җитәкчесен Юдино бистәсенең юбилеена чакырды. Юбилей чаралары быелның августында узачак. Әлеге уңайдан бистәдә юлларны, җирле Мәдәният йортын һәм йорт фасадларын төзекләндерәчәкләр.  

 Ãâ€™Ã‘Ñ‚реча Президента Республики Татарстан Р.Н. Минниханова с генеральным директором - председателем правления ОАО "Российские железные дороги" Олегом Валентиновичем Белозёровым


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10