ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Спорт

Әгерҗедә Җиңү бәйрәме алдыннан йөзү буенча ярышлар узды

8 май 2018, 05:00

Әгерҗенең “Олимп“ спорт комплексында “Өч буын йөзә“ исемле чара узды.

(Әгерҗе, 8 май, “Татар-информ“, “Әгерҗе хәбәрләре“). Бөек Җиңүнең 73 еллыгын каршы алган көннәрдә Әгерҗенең “Олимп“ спорт комплексында “Өч буын йөзә“ исемле чара узды, дип яза район газетасы.

Йөзүдә 58 кеше катнашты. Бу сан очраклы сайланмаган иде. Ул илебездәге 13 Герой-шәһәр һәм 45 Хәрби Дан шәһәрләренә тәңгәлләштерелде. 6 яшьлек иң нәни катнашучыдан алып 69 яшьлек иң өлкәнгә кадәр 25 метр араны йөзеп узды. Соңыннан алар “Хәтер карта“сына Георгий лентасын беркеттеләр. Шулай итеп, символик төстә 58 шәһәрне куштылар.

Әлеге чара барышында һәр шәһәр турында мәгълүмат җиткерелде. Җиңү алып килгән һәр сугышчыга тирән хөрмәт һәм дан дигән сүзләр яңгырады.

“Өч буын йөзә“ чарасы алдагы елларда да Җиңү бәйрәме алдыннан уздырылачак, диделәр оештыручылар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10