ҺАВА ТОРЫШЫ -3 oC

Яңалыклар

барлык хәбәрләр Татарстан Россия
×

Рәсми Татарстан

Татарстан Президенты медицина симуляторлары һәм робот төзүчеләрнең эшенә бәя бирде

4 май 2018, 14:10 , Фото: tatarstan.ru, Егор Никитин

Татарстан Президенты медицина симуляторлары һәм робот төзүчеләрнең эшенә бәя бирде Рөстәм Миңнеханов «Эйдос» компаниясенең җитештерү куәтләре белән танышты.

(Казан, 4 май, «Татар-информ», Егор Никитин). ТР Президенты Рөстәм Миңнеханов Татарстанның «Эйдос» компаниясе җитештерү куәтләре белән танышты. Әлеге компания медицина симуляторлары һәм роботлар төзү белән шөгыльләнә. Компания вәкилләре керемнең үсеше һәм продукция сатудагы уңышлары турында хисап тотты.

«Безнең хезмәткәрләрнең уртача яше - нибары 32 яшь. Шул ук вакытта, предприятиенең табышы 16,5 миллион доллар тәшкил итә», - диде алар.

Компания вәкилләре сүзләренчә, инновацион предприятие табышының сизелерлек өлеше (4 миллион доллар) экспортка туры килә. Казан компаниясенең партнерлары бөтен дөнья буйлап таралган. Президент алардан медицина симуляторларының «эчлеге» кайда җитештерелүе белән кызыксынды. Электрониканың күп өлеше үзебездә эшләнә икән.

Аннары Рөстәм Миңнехановка предприятиенең җитештерү һәм җыю цехларын күрсәттеләр, шулай ук компаниянең робот техникасы бүлеге эшчәнлеге белән таныштырдылар. Анда ТР лидерына 6 күчәрле сәнәгать роботы үрнәген күрсәттеләр.

Чара ахырында Рөстәм Миңнеханов предприятие коллективы белән аралашты һәм эшләрендә уңышлар теләде. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10