ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Спорт

Путин Дөнья чемпионаты ачылышындагы матчны караячак

4 май 2018, 13:29 , Фото: архив/Ильнар Тухбатов

Путин Дөнья чемпионаты ачылышындагы матчны караячак Футбол буенча Дөнья чемпионатының беренче матчы 14 июньдә Мәскәүдә "Лужники" стадионында була.

(Казан, 4 май, "Татар-информ"). Россия Президенты Владимир Путин 2018 елгы футбол буенча Дөнья чемпионаты ачылышында булачак матчны караячак. Бу турыда аның матбугат сәркатибе Дмитрий Песковка сылтама белән "Интерфакс" агентлыгы хәбәр итте.

"Президент, әлбәттә, дөнья чемпионаты ачылышында катнашачак. Беренче матч Россия һәм Согуд Гарәбстаны җыелма командалары арасында булачак", - дип әйткән Песков.

Путин кайсы матчларны карыйсы әлегә билгеле түгел. "Барысы да агымдагы вакыйгаларга бәйле", - дигән Песков.

Дөнья чемпионатының беренче матчы 14 июньдә Мәскәүдә "Лужники" стадионында була. Уен кичке алтыда башлана.

Футбол матчлары Мәскәүдә, Петербургта, Калининградта, Самарада, екатеринбургта, Волгоградта, Ростов-на-Донуда, Казанда, Түбән Новгородта, Сочида, Саранскида булачак.

Финал уены 15 июльдә узачак.

Россия командасы Уругвай, Мисыр, Согуд Гарәбстаны командалары белән уйный. Плей-оффка чыккан очракта, финалның 1/8нче уенында Португалия, Испания, Марокко һәм Иран командаларының берсе белән очрашачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10