ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Рәсми Татарстан

Ирада Әюпова Татарстан мәдәният министры итеп билгеләнде

3 май 2018, 10:24 , Фото: Султан Исхаков

Ирада Әюпова Татарстан мәдәният министры итеп билгеләнде Бүгенге көнгә кадәр Ирада Әюпова архив эше буенча Татарстан Республикасы Дәүләт комитеты рәисе вазифасын биләде.

(Казан, 3 май, «Татар-информ»). Татарстан Президенты Рөстәм Миңнеханов архив эше буенча Татарстан Республикасы Дәүләт комитеты рәисе Ирада Әюпованы Татарстан мәдәният министры итеп билгеләде. Шул хактагы указ бүген имзаланган, дип хәбәр ителә республика Хөкүмәте порталында. «Әюпова Ирада Хафизҗан кызын, моңарчы биләгән вазифасыннан азат итеп, Татарстан Республикасы мәдәният министры итеп билгеләргә», - диелә документта.

Моңа кадәр Ирада Әюпова архив эше буенча Татарстан Дәүләт комитеты рәисе вазифасын биләде.

Ирада Әюпова Азәрбайҗанда туган.

2005-2006 елларда - Казан шәһәре Эшкуарлыкка ярдәм күрсәтү комитеты рәисе.

2008-2011 елларда – Татарстан мәдәният министры урынбасары, 2011-2015 елларда – Татарстан Республикасы мәдәният министрының беренче урынбасары.

2016 елның маеннан архив эше буенча Татарстан Дәүләт комитеты рәисе вазифасын биләде.

Ирада Әюпова Татарстанның атказанган икътисадчысы дигән мактаулы исемне йөртә.

Татарстанның элеккеге мәдәният министры Айрат Сибагатуллин лаеклы ялга чыгуга бәйле рәвештә отставкага китте. Ул бүгенге көндә «Татарстан – Яңа гасыр» телерадиокомпаниясенең башкаручы директоры вазифасын били.

Айрат Сибагатуллин Татарстан Мәдәният министрлыгын 2011 елдан җитәкләде.

 

 

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10