ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Татар дөньясы

Төмән районында шигырь яратучылар ярышты

2 май 2018, 09:14 , Фото: yanarish72.ru

Төмән районында шигырь яратучылар ярышты Беренче конкурс район татар милли-мәдәни автономиясе җитәкчесе Альберт Алтынгузин тырышлыгы белән Шыкча авыл клубы ярдәмендә оештырылган.

(Казан, 2 май, "Татар-информ"). Төмән районының Шыкча авыл клубында район күләмендә балалар өчен шигырь бәйрәме үтте. Бу турыда Яңарыш сайты хәбәр итте.

Чарада Габдулла Тукай һәм Муса Җәлил шигырьләрен өйрәнгән кырыктан артык укучы чыгыш ясаган. 

"9-11 класслар төркемендәге 12 кыз һәм егетнең һәркайсы мактауга лаек булды. Жюри әгъзаларына алар арасыннан 3 җиңүчене сайлау бик кыенга туры килде. Оештыручылар белән сөйләшеп, ике икенче, ике өченче урын бирергә карар кылдылар. Ямбайдан Н.Айматова М.Җәлилнең “Ана бәйрәме”н салмак кына йөрәк түреннән чыккан йомшак тавышы белән башкарса, Индрәйдән Н.Кәримова “Вәхшәт”не һәр сүзенә басым ясап, елатырлык итеп сөйләде. Шыкчадан С.Назметдиновның да М.Җәлилнең “Җырларым”ы бөтен шартын китереп өйрәнелгән иде. Диана Агунова Г.Тукайның “Сабитның укырга өйрәнүе”н, Муллаштан А.Касыймова М.Җәлилнең “Сәгат”ен оста башкардылар", дип яза Гөлнур Вәлиева.

Әлеге хәбәрдә әйтелгәнчә, катнашучыларның барысы да чыгышларын матур татар телендә, сәнгатьле итеп башкарырга тырышкан. Балаларны әзерләүчеләргә автономия исеменнән өлкәдәге татар газетасы "Яңарыш"ка ярты елга язылу өчен сертификат бүләк ителгән.

Беренче конкурс район татар милли-мәдәни автономиясе җитәкчесе Альберт Алтынгузин тырышлыгы белән Шыкча авыл клубы ярдәмендә оештырылган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10