ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Мәдәният

Казанда Алтай курчак театры гастрольләре башлана

1 май 2018, 10:07 , Фото: puppet-show.ru

Казанда Алтай курчак театры гастрольләре башлана Гастрольләр 3 майда «Денискины рассказы» спектакле белән 11 сәгатьтә ачыла.

(Казан, 1 май, «Татар-информ»). «Әкият» татар дәүләт курчак театры белән «Сказка» Алтай дәүләт курчак театры гастрольләр алмаша. 3 – 6 май көннәрендә Казанда Алтай театры гастрольләре үтә. Бу хакта Татар дәүләт курчак театрының матбугат үзәге хәбәр итә.

Барнаул шәһәрендә урнашкан курчак театры Казанга өч спектакль алып килә. Болар – В.Драгунский хикәяләре буенча «Денискины рассказы» курчак спектакле; «Маша и Медведь» һәм «Серебряное копытце» әкиятләре. Гастрольләр 3 майда «Денискины рассказы» спектакле белән 11 сәгатьтә ачыла.

«Сказка» Алтай дәүләт курчак театры яңа сезонда Татар дәүләт курчак театрының Барнаулга киләчәген хәбәр итә. Тастрольләр 31 октябрь – 4 ноябрьгә планлаштырылган, «Әкият» курчак театры «Өч кыз», «Хаврошечка» һәм «Цветик-семицветик» әкиятләрен алып килә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10