ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Хәвеф-хәтәр

Алексеевский районында юл һәлакәтендә йөкле хатын һәм машина йөртүче зыян күргән

29 апрель 2018, 10:47

Һәлакәт Казан-Оренбург юлының 67нче километрында Большие Полянки авылы янында булган.

(Казан, 29 апрель, “Татар-информ”). Алексеевский районында “Тойота” автобусы юл кырыена төшеп киткән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Һәлакәт кичә иртән Казан – Оренбург юлының 67нче километрында Большие Полянки авылы янында булган.

Автотранспорт Казаннан Бөгелмәгә бара торган булган. Салонда тугыз кеше утырган.

Һәлакәт нәтиҗәсендә йөкле хатын һәм шоферны Лаеш үзәк район хастаханәсенә озатканнар. Башка пассажирларны 3нче зона коткаручылары “Курланка” кафесына урнаштырып торган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10