ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Җәмгыять

7 майда Казан урамнарында транспорт хәрәкәте чикләнә

27 апрель 2018, 19:00 , Фото: Ильнар Тухбатов, Султан Исхаков

7 майда Казан урамнарында транспорт хәрәкәте чикләнә Чикләүләр “Рубин”-“Уфа” уены сәбәпле, “Казан-Арена” стадионына якын урамнарга кагыла.

(Казан, 27 апрель, “Татар-информ”, Алмаз Шиһабетдинов). 7 май көнне 17:00 сәгатьтән 22:00 сәгатькә кадәр “Казан-Арена” стадионы тирәсендәге урамнарда транспорт хәрәкәтен чиклиләр. Бу хакта “Татар-информ”да узган матбугат конференциясендә Казан шәһәре Башкарма комитеты җитәкчесенең беренче урынбасары Дамир Фәттахов хәбәр итте.

Чикләүләр түбәндәге урамнарда булачак:

- С. Хәким урамы, Ф.Әмирхан урамыннан Чистай урамына кадәр;
- Чистай урамы, А. Бичурин урамы ягыннан килгәндә А. Бичурин урамыннан Ямашев проспектына кадәр;
- Чистай урамы, Ямашев проспекты ягыннан килгәндә Ямашев проспектыннан Адоратский урамына кадәр;
- Ямашев проспекты , Адоратский урамыннан Себер трактына кадәр;
- Гаврилов урамы, Маршал Чуйков урамыннан Чистай урамына кадәр;
- Академик Арбузов урамы, Журналистлар урамыннан килгәндә Журналистлар урамыннан Ямашев проспектына кадәр.

7 май көнне “Казан-Арена” стадионында узачак “Рубин” - “Уфа” матчына билетлар бушлай биреләчәк. Уен 19:00 сәгатьтә башлана.

Билетларны уен булачак көнне 10:00 сәгатьтән башлап алып булачак. “Казан-Арена” стадионына керү өчен җанатар билетлы булырга тиеш.

Искәртеп узабыз, тест матчына керү өчен җанатар паспорты кирәк түгел.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10