ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Җәмгыять

Роскомнадзор ВКонтакте, Twitter, Facebook соцчелтәрләрен блокировкалауга аңлатма биргән

27 апрель 2018, 10:51

Ведомство хәбәр иткәнчә, социаль челтәрләрнең ip-адреслары блокировкадан азат, ә реестрга эләгү система эшенең үзенчәлекләре белән бәйле.

(Казан, 27 апрель, «Татар-информ»). Роскомнадзор социаль челтәрләрнең ip-адреслары блокировкаланмавы хакында белдергән. Бу хактагы хәбәр ведомствоның «ВКонтакте» челтәрендәге сәхифәсендә дөнья күргән.

«Гаммәви мәгълүмат чараларында дөнья күргән Россия һәм чит ил социаль челтәрләре ip-адресларының блокировкалануы хакындагы хәбәрләргә бәйле рәвештә, шуны белдерәбез: социаль челтәрләрнең ip-адреслары блокировкадан азат», - диелә хәбәрдә.

Ведомствода билгеләп үтүләренчә, кайбер ip-адресларның кыска гына вакытка реестрга эләгүе «система эшенең технологик үзенчәлекләре» белән бәйле. Элемтә операторларына социаль челтәрләргә керүне чикләү максатыннан әлеге адреслар җибәрелмәгән, дип ышандырганнар Роскомнадзорда.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10