ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Җәмгыять

Питрәч районында балалар кошларга оялар куйдылар

25 апрель 2018, 23:00

Питрәч районында балалар кошларга оялар куйдылар Балалар әтиләре һәм укытучылары белән биш йөздән артык сыерчык оясы ясадылар.

(Питрәч районы, 25 апрель, "Татар-информ", "Алга", Ольга Шипшова).  “Һәр кошчык өйле булырга тиеш” дигән шигар белән Питрәч районында язгы акция үтте. Сыерчыклар һәм тургайлар бик таләпчән кошлар, алар үз хокуклары үтәлүен таләп итә – аларның һәр гаиләсенә аерым оя булырга тиеш. Аталар советы җитәкчелегендә районның барлык мәктәпләреннән малайлар һәм хәтта кызлар аларның үтенечләрен башкаруга алынды, дип яза җирле басма.

Күчмә кошларны каршы алырга районның барлык уналты мәктәбендә дә ныклап әзерләнделәр. Балалар әтиләре һәм укытучылары белән биш йөздән артык сыерчык оясы ясадылар. Кошлар мәктәп парклары һәм рекреацион зоналарда эленгән ояларны үз итте. Хәзерге вакытта яңа гына куллануга тапшырылган ояларның яртысына кошлар оялаган инде. Мәктәп укучылары әлеге процессны зур кызыксыну белән күзәтте. Кошларга оя ясау балаларга да, аларның әти-әниләренә дә куаныч кына. Әлеге чара “Экояз 2018” акциясе кысаларында үтте.

Районның әтиләр советы, үзен хөрмәт иткән һәр ата үз баласы белән бер сыерчык оясы ясарга тиеш, дип исәпли. Сыерчык ояларын иртә язда эшләү каралган, шулай да кошлар өчен ясалма ояларны ел дәвамында ясап эләргә була, димәк әле соң түгел һәм бу эшкә сез дә кушыла аласыз.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10