ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Фән һәм мәгариф

Казанда Туган тел форумы җиңүчеләрен бүләклиләр

25 апрель 2018, 12:20

Казанда Туган тел форумы җиңүчеләрен бүләклиләр Әлеге минутларда Муса Җәлил исемендәге опера һәм балет театрында Туган тел форумы бара.

(Казан, 25 апрель, "Татар-Информ", Ләйлә Хәкимова). Әлеге минутларда Муса Җәлил исемендәге опера һәм балет театрында Туган тел форумы уза. Форум кысаларында Татар теле һәм әдәбияты халыкара олимпиадасы, шулай ук "Илһам" республика конкурсы җиңүчеләрен бүләклиләр.

Халыкара олимпиадада татар теленнән 460 укучы белемнәрен сынаган. Татарстаннан - 216, Россиянең 26 төбәгеннән - 92, 13 чит илдән - 30 укучы һәм студент, Россиянең якшәмбе мәктәпләреннән - 16 укучы, Татарстан һәм Россия субъектларыннан 50 студент катнашкан.

Форумны Татарстан Мәгариф һәм фән министрлыгы, Татарстан Язучылар берлеге оештыра.
Чарада Татарстан җитәкчелеге, танылган язучылар, җәмәгать эшлеклеләре катнаша.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10