ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Икътисад

Миңнеханов эшмәкәрләргә татар мәкале белән җавап бирде

23 апрель 2018, 18:46

Аның сүзләренчә, милеккә салымга ташлама турындагы сорауга “Ашаган белми, тураган белә” дип җавап бирде.

(Казан, 23 апрель, “Татар-информ”, Динара Прокопьева). Татарстан Президенты Рөстәм Миңнеханов “Лизинг-Трейд” генераль директоры Алексей Долгих докладына “Ашаган белми, тураган белә” дип җавап бирде.

Татарстан Президентына лизинг һәм транспорт компанияләренә хәрәкәт итүче милеккә салым ставкаларын киметүгә багышланган доклад тәкъдим итте. Татарстан Президенты каршындагы Эшмәкәрлек советы проект төркеме экспертлары яңа салым күп компанияләрнең банкротка чыгарачак яки башка төбәкләргә массакүләм теркәлүгә китерәчәк дип белдерде.

“Беркем дә салым түләүдән баш тартмый. Лизинг компанияләре базарының 90 проценты өстенлек алачак, ә Татарстан компанияләре – юк”, - диде Долгих.

“Татарстанда лизинг ташулар булырмы яки юкмы?” – дип мөрәҗәгать итте докладчы Татарстан Президентына.

“Ашаган белми, тураган белә”, - диде Миңнеханов. Бу гади мәсьәлә түгел, дип билгеләп үтте ул.

“Бер яктан ул шулай. Ә икенче яктан бюджет керемнәрен ничектер булдыру зарур”, - диде республика Президенты.

Бу мәсьәләгә “Зенит” автоном коммерцияле булмаган предприятие җитәкчесе Юлия Заздравная кушылды һәм 32 төбәкнең ташламаларны озайтуын белдерде.

“Без транспорт һәм лизинг компанияләренә ярдәм итүне сорыйбыз, чөнки бу компанияләрнең балансында хәрәкәт итүче милек күп. Ташламаларны кичектерү аларны юкка чыгарачак”, - диде Заздравная.

“Бу, әлбәттә, хакимияткә басым ясау”, - диде Миңнеханов елмаеп. Аның сүзләренчә, һәр ташлама өчен җаваплылык бар, ә резервлар юк диярлек. Әгәр лизинг компанияләренә ташлама бирсәк, транспортка гына түгел барысына да кирәк булачак.

"Бу мәсьәлә буенча карарны соңрак белдерербез", - диде Татарстан Президенты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10