ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Спорт

“Рубин” үзенең юбилей уенында җиңә алмады

21 апрель 2018, 18:47

Кичә Казанның “Рубин” командасы оешуга 60 ел булды.

(Казан, 21 апрель, “Татар-информ”, Алмаз Шиһабетдинов). Бүген Казанның “Рубин” командасы 60 еллык юбилей уенында Ростовның “Ростов” командасы белән тигез исәптә уйнады.

Исегезгә төшерәбез, кичә “Рубин” командасы оешуга 60 ел булды.

Казанның Үзәк стадионында бәйрәм рухы да бар иде. Клуб бәйрәм уңаеннан күп кенә акцияләр оештырган. Мәсәлән, спортчылардан автограф алу. Җанатарлар автографка аеруча кызыксыну белән килде, чөнки Казанга “Рубин”да күп еллар буе уйнаган легендалар җыелды. Шаронов, Калешин, Калисто, Салуквадзе һәм Хузин кабат Казан командасы белән кичергән күңелле мизгелләрне искә төшерде.

Уен исәбе – 1:1. Әлеге уен Рубинның юбилей формасы белән чыгыш ясавы һәм Нобоаның искиткеч голы белән истә калды.

“Рубин”ның киләсе уены 30 апрель көнне Мәкәүдә “Динамо” командасына каршы узачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10