ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

Арчада күпбалалы гаиләләргә җир бирү эше апрель-май айларында төгәлләнәчәк

20 апрель 2018, 12:29

Арчада күпбалалы гаиләләргә җир бирү эше апрель-май айларында төгәлләнәчәк
Җир алу өчен 150 гаилә чиратта тора, диде Илһам Сираҗиев.

(Арча, 20 апрель, "Татар-информ", Чулпан Шакирова). Апрель-май айларында Арча районында күпбалалы гаиләләргә җир бирү эше төгәлләнәчәк. Бу хакта бүген Арчада узган "Мәрхәмәт" хатын-кыз депутатлар оешмасының күчмә утырышы кысаларында "Авыл җирендә яшәүче күпбалалы гаиләләргә социаль ярдәм" темасына узган түгәрәк өстәлдән соң билгеле булды.

"Арча районында меңгә якын күпбалалы гаилә җир алуга иреште. Бүген чиратта 150 гаилә. Җир бүлүдә тоткарлыклар җирләр әзер булмаудан килеп чыкты. Хәзер территориянең генераль планы эшләнде. Апрель-май айларында җирләр бүленеп бетәчәк", - диде Арча районы Башкарма комитетының Җир һәм милек палатасы рәисе урынбасары Илһам Сираҗиев.

"Татар-информ" хәбәрчесенең: "Авыл җирендә яшәүче гаиләләр җирне район үзәгеннән ала аламы?" дигән соравына рәис болай дип җавап бирде:

"Теләге булган кеше алачак. Без районда яшьләрнең күбрәк калуын, яшь гаиләләрнең күбрәк булуын телибез", - диде Илһам Сираҗиев. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10