ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Татар дөньясы

Васил Шәйхразиев Нижневартовскида Муса Җәлил һәйкәленә чәчәкләр салды

20 апрель 2018, 07:49

Васил Шәйхразиев Нижневартовскида Муса Җәлил һәйкәленә чәчәкләр салды Васил Шәйхразиев җитәкчелегендәге Татарстан делегациясе Нижневартовскига килде.

(Казан, 20 апрель, "Татар-информ"). Бүген Республикасы Премьер – министры урынбасары, Бөтендөнья татар конгрессы Милли Шура рәисе Васил Шәйхразиев җитәкчелегендәге Татарстан делегациясе эшлекле сәфәр белән Нижневартовскига килде. Бу хакта Бөтендөнья татар конгрессы матбугат хезмәте хәбәр итә.

Беренче эш итеп, Татарстан вәкилләре өчен шәһәр буйлап экскурсия үткәрелде. Кунакларга Нижневартовскның истәлекле тарихи урыннарын күрсәттеләр. Бөек татар шагыйре Муса Җәлил һәйкәле янында туктап, алар чәчәкләр салды. Шулай ук кунаклар милли мәдәниятләр үзәгендә булды.

Бүгенге көн тәртибендәге тагын бер чара Нижневартовскиның «Патриот» балалар һәм үсмерләр техник иҗаты йортында билгеләнгән. Васил Шәйхразиев үзәкне карап чыгачак һәм биредә булачак М.Җәлилгә багышланган күргәзмә ачылышында катнашачак. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10