ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Казан мэриясе йортларга җылы бирүне ни өчен туктатырга ярамавын аңлатты

18 апрель 2018, 21:43

Шәһәрдә ягып җылыту сезоны урамда биш көн дәвамында уртача температура 8 градус җылы булганда тәмамлана.

(Казан, 18 апрель, “Татар-информ”). Бу көннәрдә һава температурасы сизелерлек күтәрелү сәбәпле, Казан башкарма комитетына гражданнар йортларга җылы бирүне сүндерүне сорап мөрәҗәгать итә башлаган. Әмма әлегә шәһәрдә моны эшләргә ярамый, дип хәбәр итә бүген Казан мэриясе матбугат хезмәте.

“Хәзерге вакытта шәһәрнең барлык йортларында да җылы бирүне туктатырга ярамый. Бу РФ Хөкүмәте раслаган карардагы халыкка коммуналь хезмәтләр күрсәтү кагыйдәләре буенча тиешле һава температурасы буенча күрсәтелгән чикләүләргә бәйле. Әмма күпфатирлы йортта яшәүчеләр җыелыш оештырып, идарәче компаниягә ягып җылытуны вакытыннан алдан тәмамлауны яки җылылык белән тәэмин итү системасын көйләүне сорап мөрәҗәгать итә алалар”, - дип аңлатма бирә Казанның Торак-коммуналь хуҗалык комитеты.

Моның өчен торак милекчеләр җыелышы оештырып, коллектив карары кабул итәргә, ә аннары йортка хезмәт күрсәтүче идарәче компаниягә мөрәҗәгать итәргә кирәк.

Соңгы 5 көндә Казанда уртача температура 4 градус җылы тора. Биш көн дәвамында 8 градус җылы торса, ягып җылыту сезоны төгәлләнәчәк.

Җылыту сезонын вакытыннан алда тәмамлаган очракта, көннәр салкынайтса, җылылыкны яңадан җибәрү кыен булачак. Чөнки җылылык белән тәэмин итүче челтәрләргә зыян килергә мөмкин.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10