ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Мәдәният

Антипремиягә ия булган оешмаларда татар теле кулланылышка кертелә

18 апрель 2018, 16:28

Быелгы антипремия антилауреаты “Мин татарча сөйләшәм!” акциясенең гала-концертында билгеле булачак.

(Казан, 18 апрель, “Татар-информ”, Динә Йосыпова). Быелгы антипремия антилауреаты “Мин татарча сөйләшәм!” акциясенең гала-концертында, 26 апрельдә, билгеле булачак. Антипремия “Тяжело с татарским” дип атала. Аңа ия булган оешмаларда татар теле кулланылышка кертелә. Бу хакта Бөтендөнья татар яшьләре форумының матбугат хезмәте хәбәр итә.

Берничә ел дәвамында “Мин татарча сөйләшәм!” акциясенең оештыручылары тарафыннан ике дәүләт телендә дә мәгълүмат җиткермәгән дәүләт оешмалары рейтингы төзелә.

Ел дәвамында оештыручылар төрле оешмаларга, татар телен куллануларын сорап, хатлар яза. 15 кешедән торган команда муниципаль берәмлекләрнең ике дәүләт телендә дә мәгълүмат җиткерү-җиткермәвен тикшерде.

Антипремия оешмаларның эшчәнлегенә уңай тәэсир итә. Мәсәлән, «Тяжело с татарским» дигән антипремиягә лаек булган оешмалар (Муса Җәлил исемендәге татар академия дәүләт опера һәм балет театры сайты, Симфоник оркестр сайты, “Әкият” курчак театры сайты, Татарстан Республикасының Үзәк сайлау комитеты сайты) татар телен кулланылышка кертте. 2017 елда «Тяжело с татарским» антипремиясен “РЖД” алды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10