ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә
Тамбов Сабан туе Уваров районы оешуга 90 ел тулуга багышлана
Айрат Зарипов: Казан турында уңай тәэсирләр чит ил матбугат чараларында һаман чыга
19 июльнең төп вакыйгалары - фото һәм сылтамалар

Татар дөньясы

Самараның Чулпан бистәсе 90 еллыгын бәйрәм итәргә әзерләнә

17 апрель 2018, 13:47

Самараның Чулпан бистәсе 90 еллыгын бәйрәм итәргә әзерләнә Бистәдә туып-үскән татарлар май аенда Сабан туе оештырачак.
(Казан, 17 апрель,"Татар-информ"). Самара өлкәсе Камышлы районының Чулпан бистәсе оешуга быел 90 ел тула. Шул уңайдан, бистә халкы Сабан туе оештыра, дип хәбәр итә "Самар татарлары" сайты. 
 
Бәйрәм 12 май көненә билгеләнгән. Сабан туен чулпанлылар "Миначтин тавы"нда уздырачак. 
 
Интернеттагы мәгълүматларга караганда, Чулпан авылы Камышлы районының Ярмәк җирлегенә керә. Ул  Тиләгәзе елгасы буенда. 107 йортта 264 кеше яши. Бу авылның тарихын зур дип атап булмый, ул 1928 елда барлыкка килгән, 1929 елда биредә мәктәп ачылган. Бөек Ватан сугышы елларында бу авылның 33 ир-егете яу кырында  һәлак булган.
 
Авыл уртасында мәчет  урнашкан. Авырулар өчен фельдшер-акушер пункты бар, картларга дүрт социаль хезмәткәр ярдәм күрсәтә, кибет, китапханә, мәдәният йорты да тулы көчкә эшли. Ә почта бүлеге юк. Авыл юлларына таш түшәлгән, су проблемасы хәл ителгән, өйләргә газ кергән, интернет челтәре эшли. 
 
Колхоз таркалып, авылда эш калмагач, яшьләр читкә китә башлаган. 1978 елда төзелеп, 1989 елда тугызъеллыкка әверелгән мәктәп янә башлангычка әйләндерелгән һәм хәзер Иске Ярмәк урта мәктәбе филиалы булып санала. Балалар саны дүрттән артмый.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10