ҺАВА ТОРЫШЫ +31 oC

Яңалыклар

барлык хәбәрләр Татарстан Россия
МӨҺим
Сургут Сабан туенда Әлмәт спортчысы Рөстәм Йосыпов батыр калган
Д.Фәттахов Казан шәһәре файдасына башкарган мактауга лаеклы хезмәте өчен бүләкләнде
Төркиядә 24 июньдә узган сайлауда демократия җиңде - Рәҗәп Тайип Эрдоган
Филармония бакчасында дүртенче хәйрия концерты оештырылды
Минзәлә театры “Сүнгән йолдызлар” спектаклен куярга әзерләнә

Спорт

Актанышта республикакүләм шахмат турниры үтте

17 апрель 2018, 05:00

Шәхси беренчелектә җиңү яулаган шахматчыларга акчалата бүләкләр тапшырылды.

(Актаныш, 17 апрель, "Татар-информ", "Актаныш таңнары"). Татарстан шахмат мәктәбенә нигез салучыларның берсе Наил Мөхәммәтҗанов истәлегенә багышлап, Актанышта 14 апрель көнне авыл районнары һәм кече шәһәрләр командалары арасында VIII республика беренчелеге башланды. 4әр кешелек командалар көч сынашты биредә - Мөслим, Минзәлә, Баулы, Әтнә, Сарман районнары, Алабуга шәһәреннән кече яшьтәгеләрдән (2006 елгы һәм кечерәкләр) - 14, зур яшьтәге балалардан (2001-2005 елгылар) 5 команда. Актанышның үзеннән - 11 команда.

Нәтиҗәләргә килгәндә, кечкенәләр төркемендә җиңүче команда исеменә Актаныш лаек булды, икенче урында – Баулы, өченче урында Сарман районының кечкенә шахматсөярләре.

Зур яшьтәге балалар арасында исә беренчелекне Баулы командасы яулады. Икенче, өченче урыннарны үзебезнекеләр бүлеште.

Шәхси беренчелектә җиңү яулаган шахматчыларга акчалата бүләкләр тапшырылды. Чарада катнашкан район Башкарма комитет җитәкчесе Энгель Фәттахов район шахмат федерациясе рәисе Фәрит Салиховны да рәхмәт хаты белән бүләкләде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10