ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Япониядә су басу аркасында һәлак булучылар саны 222гә җиткән
Казан Башкарма комитетының элеккеге хезмәткәре А.Рыбушкин ирегеннән мәхрүм ителгән
Дәүләт Думасында футбол буенча Россия җыелмасын бүләкләргә җыеналар
Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә
Суд татарстанлылар өчен электр энергиясенә тарифлар артуга юл куймады

Мәдәният

Азнакайның “Калинушка” ансамбле егерме еллык эшчәнлегенә йомгак ясады

17 апрель 2018, 09:00

Юбилей концертында рус халык җырлары гына түгел, татар, башкорт җырлары да яңгырады.

(Азнакай, 17 апрель, “Татар-информ”, “Маяк”, Резеда Шәрипова). Азнакай районында милли гореф-гадәтләрне, халыкның борынгыдан килгән бай мирасын яңартып, аны буыннан-буынга тапшырып яшәүче иҗат коллективлары шактый. Шуларның берсе – Мәдәният йорты каршында эшләп килүче Тәзкирә Хөсәенова җитәкчелегендәге “Калинушка” халык вокаль ансамбле, дип хәбәр итә район газетасы.

Шушы көннәрдә ул үзенең егерме еллык эшчәнлегенә йомгак ясады. Юбилей концертында рус халык җырлары гына түгел, татар, башкорт җырлары да яңгырады. Сәхнәдән бөркелгән җылылыктан, күңелнең иң нечкә кылларын уятырлык моңнан тамашачы рәхәт мизгелләр кичереп утырды. Көчле алкышларга мәдәният идарәсе, район-шәһәр ветераннар советы җитәкчелегенең, иҗатташ дусларының тәбрикләүләре кушылды.

“Калинушка” – ул бердәм, тату зур бер гаилә. Бирегә йөрүчеләрне җырга, сәнгатькә мәхәббәт берләштерә. Коллектив төбәк, республика һәм ил күләмендәге фестивальләрдә һәм конкурсларда актив катнаша. Ул районда үткәрелә торган мәдәни чараларның да күркәм бизәге. Ансамбльгә нигездә өлкән яшьтәгеләр йөрсә дә, алар картаюны белмиләр, яшәү дәрте белән янып, үз күңелләрен генә түгел, халык күңелен дә күтәреп яшиләр, диелә район басмасында.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10