ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
23 июньнең төп вакыйгалары - фото һәм сылтамалар
Ык буе авыллары Сабан туе батыры билгеле булды
Р.Миңнеханов "хәләл" продукциянең җитештерү таләпләренә тәңгәллеген тикшерергә кушты
Казанда Каюм Насыйри турында китап тәкъдим ителде
Журналист Наил Алан туган авылында җирләнде

Мәдәният

Актерлар йортында узачак Халыкара шигырь бәйгесенә 350дән артык гариза алынган

16 апрель 2018, 07:13

Бәйгедә Кытай, Төркия, Үзбәкстан, Таҗикстан һәм башка илләрдән дә катнашучылар бар.

(Казан, 16 апрель, "Татар-информ"). 16-18 апрель көннәрендә М.Сәлимҗанов исемендәге Актерлар йортында узачак VIII Г.Тукай исемендәге Халыкара шигырь сөйләүчеләр конкурсына 350дән артык гариза алынган. Бу хакта Мәдәният министрлыгы хәбәр итә.

Быел иҗади бәйге “Ана – бөек исем” дигән темага багышлана. Конкурс 16,17, 18 апрель көннәрендә 9.00дән 17.00гә кадәр үтәчәк. 20 апрель көнне 13.00дә Актерлар йорты сәхнәсендә гала-концерт белән тәмамланачак.

Быел конкурска Татарстан һәм Россиянең башка төбәкләреннән 350дән артык гариза алынган. Бәйгедә Кытай, Төркия, Үзбәкстан, Таҗикстан һәм башка илләрдән дә катнашучылар бар.

Жюри составына Татарстан мәдәният министрының беренче урынбасары Эльвира Камалова, РФның атказанган, Татарстанның халык артисткасы Наилә Гәрәева, РФның атказанган, Татарстанның халык артисткасы, профессор Эльмира Хамматова, Татарстанның атказанган артисты Инсаф Абдуллин, “Федераль татар милли-мохтарияте” иҗтимагый оешмасы советы аппараты җитәкчесе Миләүшә Шәрипова, Казан театр училищесы педагог-режиссеры Марсель Мәхмүтов, сценарист, Казан театр училищесы педагогы Ләйлә Сәләхетдиновалар кергән.

РФ һәм ТРның атказанган сәнгать эшлеклесе, Г.Тукай исемендәге ТР Дәүләт премиясе лауреаты, Театр эшлеклеләре берлеге рәисе Фәрит Бикчәнтәев жюринең рәисе булып тора.

Конкурсны Татарстан Мәдәният министрлыгы, Татарстан Мәгариф һәм фән министрлыгы, Татарстан Театр эшлеклеләре берлеге, Федераль татар милли-мәдәни мохтарияте гамәлгә куйган. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10