ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә
Тамбов Сабан туе Уваров районы оешуга 90 ел тулуга багышлана
Айрат Зарипов: Казан турында уңай тәэсирләр чит ил матбугат чараларында һаман чыга
19 июльнең төп вакыйгалары - фото һәм сылтамалар

Хәвеф-хәтәр

Яшел Үзән янгын сүндерүчеләре Татар Танае авылында язгы ташу баскан йортлардан су суырта

13 апрель 2018, 21:36 , Фото: http://mchs.tatarstan.ru

Яшел Үзән янгын сүндерүчеләре Татар Танае авылында язгы ташу баскан йортлардан су суырта Гөбенә елгасы ташып, авылда бер төн эчендә су бер метрга күтәрелгән.

(Казан, 13 апрель, “Татар-информ”). Яшел Үзән янгын сүндерүчеләре Татар Танае авылында язгы ташу баскан йортлардан су суырта. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Гөбенә елгасы ташып, авылда 19 йорт су эчендә калган. Гадәттән тыш хәлләр министрлыгы хезмәткәрләре Татар Танае авылындагы хәлне оча торган аппарат ярдәмендә күзәтеп тора. 154нче коткару отряды хезмәткәрләре мотопомпа ярдәмендә ишегалларындагы суларны суыртып алу белән шөгыльләнә.

Бер төн эчендә авылда су бер метрга күтәрелгән. Авыл һәр елны язгы ташудан зыян күрә. Бакчалар, сарайлар барысы да су эчендә калган.

Хәзерге вакытта авылдан олы яшьтәге әбине эвакуацияләгәннәр. Йорт хайваннары, кош-корт елгадан ераграк урнашкан күршеләренә озатылган.

Районның Мамадыш-Әкил җирле үзидарә советы башлыгы Фәнис Мирхатуллин әйтүенчә, хәзерге вакытта кешеләргә вакытлыча яшәү урыннары әзер тора. Үз өйләреннән китәргә теләмәгәннәрне Татар Танае мәктәбендә урнаштыру мөмкин булачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10