ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
Рөстәм Миңнеханов Мәхмүт Гәрәевне 95 яшьлек юбилее белән котлады
Казан кызы "Россия туризм гүзәле 2018" таҗын яулады
ТР Хезмәт министрлыгында җылылык өчен субсидияләрнең бетерелү сәбәбен аңлаттылар
Яшьләр эшләре министрының урынбасары итеп Тимур Сөләйманов билгеләнергә мөмкин
Июль аенда Төркиянең көнчыгышында боз яуган

Татар дөньясы

Сызраньда Татар яшьләре мәктәбенә иң актив яшьләр җыелачак

13 апрель 2018, 16:41

Сызраньда Татар яшьләре мәктәбенә иң актив яшьләр җыелачак Ике көнлек остаханәләрдә барлыгы 20 делегат катнашачак.

(Казан, 13 апрель, "Татар-информ", Алмаз Шиһабетдинов). 14-15 апрель көннәрендә Сызрань шәһәрендә "Сызрань татар яшьләре лидеры мәктәбе" узачак. Бу хакта “Татар-информ” хәбәрчесенә “Идел” яшьләр үзәге рәисе Алсу Хафиз хәбәр итте.

Сызраньның "Туган тел" татар мәдәни үзәге яшь һәм актив татар лидерларын бергә җыячак һәм аларга ике көнлек остаханә уздырачак.

Чараның төп максатлары - яшьләрне татар мәдәнияте һәм аның кыйммәтләре белән тулырак таныштыру; яшь татар лидерларын татар милләтен саклап калу һәм үстерүгә мотивацияләү.

“Проект Сызрань татар яшьләре өчен хәзерге вакытта бик актуаль, чөнки бу шәһәредә балалар һәм яшьләр белән эшләү юнәлеше татар оешмаларында бераз акрынаеп торган иде. Яшь татар лидеры мәктәбе, беренчедән, актив һәм инициатив яшьләрне барларга һәм аларга эшләү дәрте өстәргә ярдәм итәр. Быел "Туган тел" оешмасы яшьләр өчен берничә кечкенә чара оештырган иде. Татар яшьләре шәһәрдә бар һәм әлеге оешма эшчәнлеге белән кызыксына, шуңа күрә аларны хәзер бер мәйданчыкка җыеп, яңа мәгълүмат тупларга, аралашырга, үсәргә мөмкинчелек бирергә кирәк”, - диде Алсу Хафиз.

Бу ике көн дәвамында "Сызрань татар яшьләре лидеры мәктәбе" делегатлары остаханәләрдә, гамәли дәресләрдә, түгәрәк өстәлләрдә катнашачак.

Лидерлар мәктәбе Сызрань шәһәренең "Туган тел" татар мәдәни үзәге һәм "Идел" яшьләр үзәге ярдәмендә уздырыла.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10