ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Җәмгыять

Татарстан Хөкүмәтендә декларацияләрдә хата җибәргән министрларның исемнәрен атадылар

12 апрель 2018, 13:11

Лилия Галимова закон бозулар өчен җәзага тартылган Татарстан Министрлар Кабинеты әгъзалары хакында сөйләде.

(Казан, 12 апрель, «Татар-информ», Егор Никитин). Татарстан Министрлар Кабинетындагы тугыз вәкилнең узган елда алган керемнәре турындагы декларацияләрдә хата табылган. Казан Кремленең рәсми вәкиле Лилия Галимова шул хакта белдерде.

Ул билгеләп үткәнчә, республика Президентының бу мәсьәләдә позициясе катгый — барысы да законга нигезләнергә тиеш.

«2017 елда белгечләр тарафыннан үткәрелгән тикшерүләрдән чыгып, 9 кеше дисциплинар җаваплылыкка тартылды. Алар - Габделганиев, Вафин, Здунов, Леонов, Нәзиров, Фәттахов, Хамаев, Шәйхразиев һәм Шәйхетдинов», - диде Лилия Галимова.

«Биредә сүз күбесенчә техник пландагы хаталар турында бара. Аларга карата шелтә белдерү рәвешендә дисциплинар җаваплылыкка тарту турында карар чыгарылды», - дип сүзен йомгаклады Казан Кремленең рәсми вәкиле. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10