ҺАВА ТОРЫШЫ +25 oC

Яңалыклар

барлык хәбәрләр Татарстан Россия
МӨҺим
Гадәттән тыш хәлләр министрлыгы, яшенле яңгыр булганда, кагыйдәләр турында искәртә
Август аенда Казанның Даурия урамы өлешчә ябылачак
Татарстан пластик эшкәртү буенча лидерлар өчлегенә кергән
Четерекле мәсьәләләр буенча Болгар академиясе галимнәре җавап бирергә тиеш - М.Шәймиев
Түбән Кама районы хуҗалыкларына саву аппаратлары алу өчен 777 мең сум акча бүлеп биргәннәр

Мәдәният

Әлмәт театры югалган Костик турында спектакль чыгара

11 апрель 2018, 10:29 , Фото: Әлмәт театры сайтыннан

Әлмәт театры югалган Костик турында спектакль чыгара "Адашкан җаннар" спектакленең премьерасы 13 апрельдә була.

(Казан, 11 апрель, «Татар-информ», Рузилә Мөхәммәтова). Әлмәт театры 16+ тамгасы белән яңа спектакль чыгара. Премьера көне итеп 13 апрель билгеләнгән.

“Адашкан җаннар” спектаклен драматург Мария Огнева пьесасы буенча Уфа режиссеры Илшат Мөхетдинов чыгара. Спектакль театрның Кече залында куела. Бу хакта театрның матбугат үзәге хәбәр итә.

Пьесаның сюжеты буенча ике хатын-кыз Яңа ел төнендә хәбәрсез югалган Костикны эзли. Берсе Костикның әнисе – чит шәһәрдән килгән ялгыз хатын, икенчесе Костик белән яшәгән кыз бала - балалар йортында тәрбияләнгән официант кыз. Полициянең дә, әйләнә-тирәдәгеләрнең дә яшь егетне эзләү гаме юк. Светлана белән Аленага үз көчләренә ышанырга гына кала.

«Адашкан җаннар» – гади кешеләр язмышы турындагы бәян. Спектакль чит кеше кайгысын якын кабул итәргә, үзенең җан сызлавын ачарга әзер тамашачылар өчен.

Әлеге пьеса яшь драматургия “Любимовка 2013” фестиваленең төп программасында катнашты. Әлмәт театры аның буенча төбәкара "Friendzone" режиссерлар лабораториясендә эскизлар әзерләгән иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10