ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Казанга Япония принцессасы килә
Олег Матыцин: Казанны кунакчыллык буенча дөнья стандарты дияргә була
Чаллыда микроавтобус катнашындагы һәлакәттә зыян күрүчеләрне хастаханәдән чыгарганнар
1,5 млн сум акча урлаган казанлыга хөкем чыгардылар
Самара татарлары балалар Сабан туена чакыра

Мәдәният

Казанга “Созвездие-Йолдызлык” фестивале йомгаклау турына биш меңнән артык бала килде

9 апрель 2018, 19:31 , Фото: архив/Ильнар Тухбатов

Казанга “Созвездие-Йолдызлык” фестивале йомгаклау турына биш меңнән артык бала килде  Бәйге лауреатлары исемнәре 13 һәм 20 апрельдә узачак гала-концертларда игълан ителәчәк.

(Казан, 9 апрель, “Татар-информ”). “УНИКС” концертлар залында “Созвездие-Йолдызлык-2018” эстрада сәнгате фестивале суперфиналы дәвам итә. Ул кичә башланды. Бу хакта бәйгенең оештыру комитеты матбугат хезмәте хәбәр итә.

Йомгаклау турында Татарстаннан, шулай ук Россия һәм Казахстан төбәкләреннән 5 меңнән артык сәләтле бала җыелды.

Жюри рәисе – Татарстанның халык артисткасы Зилә Сөнгатуллина. Аңа һәм башка экспертларга 13 апрельгә кадәр “Вокал”, “Хореография” һәм “Конферанс” категорияләрендә җиңүчеләрне билгеләргә кирәк була. Бәйге лауреатлары исемнәре 13 апрельдә - “УНИКС” һәм 20 апрельдә “Пирамида”да узачак гала-концертларда игълан ителәчәк.

Моннан тыш, фестиваль кысаларында түгәрәк өстәл һәм осталык дәресләре узачак. Россия театраль сәнгать институтына (ГИТИС) керүчеләр өчен кастинг аерым оештырыла.

2018 елда Татарстан Республикасында «Йолдызлык» иҗади яшьләр фестивале тарихында миллионынчы катнашучы теркәлде. Балалар һәм яшьләр эшләре комитеты рәисе Айрат Фәизов Казан Башкарма комитетында узган эшлекле дүшәмбе киңәшмәсендә шулай дип белдергән иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10