ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Җәмгыять

Казанда табибларның уртача хезмәт хакы билгеле булды

5 апрель 2018, 12:46 , Фото: архив tatar-inform

Казанда табибларның уртача хезмәт хакы билгеле булды Татарстан башкаласында медицина хезмәткәрләренең минималь хезмәт хакы 5,5 мең сум тәшкил итә.

(Казан, 5 апрель, «Татар-информ»). Казанда табибларның уртача хезмәт хакы 38,7 мең сумга тигез, дип хәбәр итә HeadHunter сервисының матбугат хезмәте.

2018 ел башында Чаллыда медицина хезмәткәрләренең уртача эш хакы – 31,8 мең, Әлмәттә – 36,5 мең, Түбән Камада 34,7 мең сум булган.

Татарстан башкаласында табибларның минималь хезмәт хакы 5,5 мең сум тәшкил итә. Иң зур хезмәт хакын (80-180 мең) психиатр-наркологлар ала.

Быел Казанда фельдшерларның максималь эш хакы 50 мең сум тәшкил иткән. Кандидаттан тиешле белгечлеккә ия икәнлеген раслаган сертификат һәм өч елдан да ким булмаган эш тәҗрибәсе таләп ителә.

Эшкә яңа гына урнашкан (бу очракта урта медицина белеме дә җитә) фельдшерларның хезмәт хакы 15-17 мең сумга тигез. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10