ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Җәмгыять

Прокуратура Казанның “Мәскәү” сәүдә үзәгендә кагыйдәләр бозылуын ачыклады

28 март 2018, 18:26 , Фото: Александр Елисеев

Прокуратура Казанның “Мәскәү” сәүдә үзәгендә кагыйдәләр бозылуын ачыклады Сәүдә үзәгенең кайбер эвакуацияли торган ишекләре таләпләргә туры килми.

(Казан, 28 март, “Татар-информ”). Прокуратура белән Россия Гадәттән тыш хәлләр министрлыгының Татарстан буенча Дәүләт идарәсе Дәүләт янгын күзәтчелеге Казанның Киров районындагы “Мәскәү” сәүдә үзәгендә булдылар. Кешеләрне эвакуацияли торган чыгу урыннарында хилафлыклар ачыкланган.

“Эвакуацияли торган чыгу урыннары чүп-чар белән тутырылган, кайбер ишекләр дөрес урнаштырылмаган, аларны ачкан очракта, чыгу юлын каплыйлар. Эвакуацияләгән очракта бу паника, этешү, кыенлык тудырачак”, - дип билгеләп үтте министрлык хезмәткәре Руслан Галиуллин.

Тикшерүдән соң Галиуллин янгын тревогасы игълан итте – эвакуация башланды. Әмма министрлык хезмәткәре монда да кагыйдәләр бозылуын ачыклады.

Хезмәткәрләр сәүдә үзәгенә килүчеләргә башка эвакуацияләү юлларын күрсәтмәделәр. Нәтиҗәдә, барысы да бер ишеккә барып этешү-төртешү башланды”, - диде Галиуллин.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10