ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Татарстан Дәүләт Советы депутатлары Кемеровода янгында һәлак булучыларны искә алды

28 март 2018, 16:41 , Фото: gossov.tatarstan.ru

Татарстан Дәүләт Советы депутатлары Кемеровода янгында һәлак булучыларны искә алды Парламентарийлар Кемерово шәһәрендә янгында һәлак булучылар истәлегенә чәчәкләр куйды.

(Казан, 28 март, “Татар-информ”). Татарстан Дәүләт Советы депутатлары Кемерово шәһәрендә янгында һәлак булучылар истәлегенә чәчәкләр куйды. Бу хакта Татарстан паламенты матбугат хезмәте хәбәр итә.

Казанда Ленин бакчасындагы фонтан янында #кемеровомыстобой хэштегы белән баннер кичә кич куелган иде. Бүген көне буе битараф булмаган кешеләр матәм урынына чәчәкләр һәм уенчыклар китерде.

Һәлак булучыларны Татарстан Дәүләт Советы Рәисе урынбасарлары Юрий Камалтынов һәм Татьяна Ларионова искә алды. Шулай ук парламент комитетлары рәисләре Шакир Яһүдин, Таһир Һадиев, Марат Галиев, социаль сәясәт буенча Комитет рәисе урынбасары Татьяна Воропаева, депутатлар Ринат Гайзатуллин, Илдус Касымов, Рауиль Рәхмәтуллин чәчәкләр куйды.

Татарстан Республикасы Дәүләт Советы аппараты хезмәткәрләре дә акцияне хуплады.

Элек “Татар-информ” мәгълүмат агентлыгы Кемерово шәһәрендә “Зимняя вишня” сәүдә-күңел ачу комплексында янгында 64 кеше һәлак булды, шул исәптә 41 бала дип хәбәр иткән иде. Бүген Россиядә матәм көне игълан ителде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10