ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Хәвеф-хәтәр

Владимир Путин Кемероводагы янгынны җинаятьчел салкын караш аркасында килеп чыккан, диде

27 март 2018, 08:31

Россия Президенты “Зимняя вишня” сәүдә-күңел ачу үзәгендәге фаҗигагә карата фикерен белдерде.

(Казан, 27 март, «Татар-информ»). Россия Президенты Владимир Путин Кемероводагы янгынны җинаятьчел салкын караш аркасында килеп чыккан, дип белдерде, диелә РИА Новости хәбәрендә.

Кемеровода янгын салган зыянны хәл итүгә багышланган киңәшмәдә Россия Президенты “Зимняя вишня” сәүдә-күңел ачу үзәгендәге фаҗигагә карата фикерен әйтте: “Нәрсә соң бу бездә? Бу бит сугышчан хәрәкәтләр дә, шахтада көтелмәгән вакытта метан бәреп чыгу да түгел. Демография турында сүз алып барабыз һәм нәрсә аркасында шулкадәр кешене югалтабыз? Җинаятьчел салкын караш аркасында, башбаштаклык аркасында”.

Владимир Путин шулай ук, киңәшмәне бер минут тынлык белән ачып җибәреп, һәлак булучылар туганнарының һәм якыннарының кайгысын уртаклашты.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10