ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Мәдәният

Екатеринбургта «Татар моңы» конкурсына сайлап алу туры уза

25 март 2018, 09:22

«Урал Сандугачы» бәйгесе «Татар моңы» конкурсына сайлап алу туры булып санала.

(Казан, 25 март, “Татар-информ”). 30-31 март көннәрендә Екатеринбург каласында «Урал сандугачы»н сайлаячаклар. Бу хакта Бөтендөнья татар конгрессы матбугат хезмәте хәбәр итә.

Бәйге милли мәдәниятне үстерү, сәләтле яшьләрне барлау, иҗади элемтәләр урнаштыру максатыннан уздырыла. Катнашуга Россия төбәкләреннән һәм чит илләрдән катнашучыларны чакыра.

Бәйгедә катнашучыларны 3 яшь категориясенә бүлеп бәяләячәкләр: 15 яшькә кадәр, 15-36 яшьлекләр һәм 36 яшьтән олыраклар.

Алар ялгыз җырлау, вокаль ансамбль һәм вокаль-инструменталь ансамбльләр, инструменталь башкару номинацияләрендә көч сынаша. Башкару жанры чикләнмәгән.

15 яшькә кадәрге катнашучылар — 2 җыр башкарырга, ә өлкәнрәк катнашучылар 3 җыр башкарырга тиешле.

«Урал Сандугачы» бәйгесе «Татар моңы» конкурсына сайлап алу туры булып санала. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10