ҺАВА ТОРЫШЫ +25 oC

Яңалыклар

барлык хәбәрләр Татарстан Россия
МӨҺим
Август аенда Казанның Даурия урамы өлешчә ябылачак
Татарстан пластик эшкәртү буенча лидерлар өчлегенә кергән
Четерекле мәсьәләләр буенча Болгар академиясе галимнәре җавап бирергә тиеш - М.Шәймиев
Түбән Кама районы хуҗалыкларына саву аппаратлары алу өчен 777 мең сум акча бүлеп биргәннәр
Татарстаннан читтә белем алучы студентларның беренче форумы Казанда була

Җәмгыять

Казанда “Разведчик Әхмәров урамы” барлыкка киләчәк

22 март 2018, 18:38

Әлеге исем башкаланың Совет районында “Арт Сити” торак комплексы урамнарының берсенә биреләчәк.

(Казан, 22 март, “Татар-информ”). Күренекле разведчик, Казан Советы депутаты (1920−1921елларда) булган Исхак Абдулла улы Әхмәров хөрмәтенә Казанда “Разведчик Әхмәров урамы” барлыкка киләчәк. Бу хакта Татарстан Республикасының Россиядәге вәкаләтле вәкиллеге хәбәр итә.

Башкаланың Совет районында “Арт Сити” торак комплексы урамнарының берсенә “Разведчик Әхмәров урамы” исеме биреләчәк. Казан шәһәре башкарма комитетының 2018 елдагы 14 март карарында шулай әйтелгән.

Быел “Казан” милли-мәдәни үзәгендәге Казанның меңъеллык музеенда Исхак Әхмәровка багышлап экспозиция ачылды. Материалларны музейга разведчикның кызы һәм СВР матбугат бюросы тапшырган.

Шунысын да искәртеп үтик, “Вианж Продакшн” Мәскәү кинокомпаниясе Татарстан Президенты Рөстәм Миңнеханов ярдәмендә һәм Россия разведкасының эчке хезмәте, Татарстан Республикасының Россиядәге вәкаләтле вәкиллеге булышлыгында “Исхак Әхмәров. Мистер резидент” документаль фильмын төшерде. Ул “Звезда” телеканалында 2017 елның декабрендә күрсәтелде.

Исхак Әхмәров Бөек Ватан сугышы елларында АКШта легаль булмаган резидентураны җитәкләгән. Исхак Әхмәров 1901-1976 елларда яшәгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10