ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Казан триатлоны-2018 якшәмбе көнне башкала үзәгендә узачак
Семипалатта татар сәнгать мәктәбе бинасын булдыруда Татарстан ярдәм итәчәк
17 июльнең төп вакыйгалары - фото һәм сылтамалар
Себер татар яшьләре фестивале узачак көннәр билгеле
Президент Югары урбанистика мәктәбе студентларының проектларын уңай бәяләде

Җәмгыять

Хосусый үзәкләрдә элекке наркоманнар да эшли – Республика наркологик диспансеры белгече

22 март 2018, 13:07 , Фото: Султан Исхаков

Хосусый үзәкләрдә элекке наркоманнар да эшли – Республика наркологик диспансеры белгече Резеда Хаева мондый үзәкләрдә югары квалификацияле белгечләр булмавын әйтте.

(Казан, 22 март, “Татар-информ”, Гөлнар Гарифуллина). Тәмәке, алкоголь, наркомания кебек начар гадәтләрдән арындыру буенча ачылган хосусый реабилитация учреждениеләрендә югары квалификацияле белгечләр юк. Республика наркологик диспансер баш табибы урынбасары Резеда Хаева "Татар-информ” агентлыгында узган матбугат конференциясендә шулай дип белдерде.

“Хосусый оешмалар алар реабилитация үзәкләре түгел, аларны социаль учреждение дип кенә атарга була. Бу үзәкләрдә югары квалификацияле белгечләр, медицина белеме булган табиблар юк, медицина реабилитациясе турында сүз дә юк. Бездә тулы бер команда: психологлар, психотерапевтлар, консультантлар эшли. Ә хосусый үзәкләрдә эшләүчеләр арасында элек үзләре наркотикларга бәйле булган кешеләр бар. Алар ниндидер үз технологияләре буенча эш алып бара”, - дип белдерде Резеда Хаева.

“Наркомания – кискен хроник авыру. Ул озак дәвалауны сорый. Дәвалангач та, реабилитациясез, үзе өстендә эшләмичә, пациент социумга кайта алмый. Безнең диспансерда дәвалау һәм тернәкләндерүнең төрле технологияләре бар. Республикада - 5 диспансер, Казанда гына да алар өчәү. Анда Россиянең төрле шәһәрләрендә укыган белгечләр эшли. Һәр пациент белән нидивидуаль эш үз нәтиҗәләрен бирә”, - ди баш табиб урынбасары.

Республика наркологик диспансеры авыруның туганнары белән дә эш алып бара. “Тернәкләндерү үзәкләрендә шимбә саен 9 дан 11 гә кадәр авыруларның туганнары кабул ителә. Психолог аларга киңәшләрен бирә”, - ди ул.

Резеда Хаева әйтүенчә, авыруларны кабул итү буенча бернинди чикләүләр юк. “Төп шарт – пациентның теләге булу”, - ди ул. Ул диспансерның Әлмәт, Яр Чаллы, Түбән Кама шәһәрләрендә филиаллары булуын, аларга якын урнашкан районнар шул филиалларда дәвалануын билгеләп узды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10