ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Республиканың бүгенге проектлар мәктәбендә киләчәк Татарстан өчен кадрлар сайлана
Боратынский музеенда гитара сайлаганда ялгышмау кагыйдәләре белән таныштырачаклар
22 июль Россиядә Халыкара Бокс көне буларак билгеләп үтелә
И.Гафуров дөньяви һәм дини уку йортлары өчен бердәм стандартлар кирәклеген әйтте
VIII Бөтендөнья татар яшьлəре форумы 1-5 августта Казанда узачак

Мәдәният

Рәмис Аймәт Фатих Әмирхан турында роман язарга кирәк дип исәпли

21 март 2018, 15:18

Рәмис Аймәт Фатих Әмирхан турында роман язарга кирәк дип исәпли Татарстан язучылар берлеге рәисе урынбасары Фатих Әмирханны Тукай күләгәсендә калган татар әдибе, дип атады.

(Казан, 21 март, “Татар-информ”, Мөршидә Кыямова). Рәмис Аймәт Фатих Әмирхан турында роман язарга кирәк дип исәпли. Бу фикерен ул бүген Ф.Әмирхан исемендәге VIII республика күләм фәнни-гамәли конференциянең пленар утырышында әйтте.

Бүген Казанның 170 нче мәктәбендә Ф.Әмирхан исемендәге VIII республика күләм фәнни-гамәли конференция булды. Анда Татарстан Мәгариф һәм фән министрлыгы, Казан (Идел буе) федераль университеты, Казан шәһәре башкарма комитетының мәгариф идарәсе, Татарстан Республикасы Милли музее,Татарстан Язучылар берлеге вәкилләре катнашты.

“Татар әдәбияты тарихы күп санлы йолдызлыклардан торган, чиксез галәмне хәтерләтә, - ди Рәмис Аймәт. – ХХ йөз башы әдәбиятындагы Г.Тукай, Г.Исхакый, Г.Ибраһимов, Г.Камал, М.Гафурилар йолдызлыгында үзенчәлекле йолдыз Ф.Әмирхан бар. Ул ХХ йөз башы әдәбиятына нигез ташлары салучыларның берсе. Үзенең киң колачлы шәхес булуы белән таң калдыра. Ул оста прозаик, публицист, драматург, замандашларын объектив бәяләүче тәнкыйтьче һәм җәмәгать эшлеклесе дә. Ф.Әмирхан иҗаты бүген яңача ачуны таләп итә. ХХI гасыр призмасы күзлегеннән өйрәнү сорала. Киләчәктә Ф.Әмирхан турында да язылган роман булырга тиеш. Ф.Әмирхан бик күп яшь иҗатчылар өчен осталык мәктәбе дә. Ләкин Әмирхан Г.Тукай күләгәсендә кала кебек. Киләчәктә без аның иҗатына үтемлерәк итеп игътибар итәргә бурычлыбыз”.

Рәмис Аймәт конференциядә катнашкан яшьләргә иҗади уңышлар теләде. Киләчәктә аларны татар әдәбияты мәйданында күрергә теләвен белдерде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10