ҺАВА ТОРЫШЫ +25 oC

Яңалыклар

барлык хәбәрләр Татарстан Россия
МӨҺим
Август аенда Казанның Даурия урамы өлешчә ябылачак
Татарстан пластик эшкәртү буенча лидерлар өчлегенә кергән
Четерекле мәсьәләләр буенча Болгар академиясе галимнәре җавап бирергә тиеш - М.Шәймиев
Түбән Кама районы хуҗалыкларына саву аппаратлары алу өчен 777 мең сум акча бүлеп биргәннәр
Татарстаннан читтә белем алучы студентларның беренче форумы Казанда була

Фән һәм мәгариф

Әлки районында әти-әниләр рус теленнән бердәм дәүләт имтиханы тапшырды

21 март 2018, 07:00

Әлки районында әти-әниләр рус теленнән бердәм дәүләт имтиханы тапшырды Нәтиҗәләр республика Мәгариф һәм фән министрлыгына юлланды. Алар беркайда да басылмаячак.

(Әлки, 21 март, "Татар-информ", "Әлки хәбәрләре"). Әлки районында әти-әниләр рус теленнән бердәм дәүләт имтиханы тапшырды, дип яза җирле басма.

Күптән түгел Нәби Дәүли исемендәге гимназиядә районның төрле мәктәпләреннән килгән әти-әниләр рус теленнән бердәм дәүләт имтиханы тапшырып карадылар.

Район мәгариф идарәсе белгечләре әйтүенчә, бу акция балалары чыгарылыш сыйныфларында укыган әти-әниләрне имтиханнар тапшыру мохите һәм үзенчәлекләре белән таныштыру максатында үткәрелде.

Чыннан да, имтихан тапшырып караган әти-әниләр балаларының БДИ вакытында ниләр тою-кичерүләрен үзләре татыдылар. Белемнәрне тикшерү видеокамералар урнаштырылган сыйныфта үтте. Анда һәркемне металл детекторлар белән тикшереп керттеләр. Әти-әниләр чын БДИга охшаш алты бирем эшләргә һәм инша-эссе язарга тиеш иде. Белемнәрне сынау бер сәгать дәвам итте. Имтихан тапшыручылар биремнәрнең артык авыр булмавын әйттеләр.

Нәтиҗәләр республика Мәгариф һәм фән министрлыгына юлланды. Алар беркайда да басылмаячак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10