ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
"Табигатькә зыяны булмаган автотуризм. Иделдән Катунига кадәр" экспедициясе Чаллыга кайта
Республиканың бүгенге проектлар мәктәбендә киләчәк Татарстан өчен кадрлар сайлана
Боратынский музеенда гитара сайлаганда ялгышмау кагыйдәләре белән таныштырачаклар
22 июль Россиядә Халыкара Бокс көне буларак билгеләп үтелә
И.Гафуров дөньяви һәм дини уку йортлары өчен бердәм стандартлар кирәклеген әйтте

Фән һәм мәгариф

Чит илләрдә яшәүче милләттәшләребезне Татарстан вузларына максатчан рәвештә кабул итәләр

20 март 2018, 16:03

Чит илләрдә яшәүче милләттәшләребезне Татарстан вузларына максатчан рәвештә кабул итәләр Абитуриентларга таләпләр турында тулырак мәгълүмат белән югары уку йортларының рәсми сайтларында танышырга мөмкин.

(Казан, 20 март, «Татар-информ»). Татарстан Президенты Рөстәм Миңнеханов йөкләмәсе, шулай ук РФ Мәгариф һәм фән министрлыгының 2014 елның 28 июлендәге боерыгы нигезендә, Бөтендөнья татар конгрессы Башкарма комитеты, ТР Мәгариф һәм фән министрлыгы Россия, БДБ һәм ерак чит илләрдә яшәүче милләттәшләребезне Татарстан Республикасы территориясендә урнашкан Россия Федерациясе югары уку йортларына максатчан рәвештә кабул иткәндә ярдәм күрсәтү эшен дәвам итә. Әлеге максаттан Татарстан вузларының кабул итү комиссияләре тарафыннан тест һәм имтиханнар үткәрү өчен сәфәрләр оештырылачак. Бу хакта Бөтендөнья татар конгрессының матбугат хезмәте хәбәр итә.

Шул уңайдан җитәкчеләрнең быелның 15 маена кадәр Бөтендөнья татар конргессы Башкарма комитеты сайтында абитуриентларның анкеталарын тутырулары сорала. Конгрессның электрон адресына (radik1@live.ru) урта яки югары белем алу хакында документлар, абитуриентларның паспортлары, шулай ук заказ бирүче оешмалар белән максатчан укыту турында ике яклы килешүләрнең күчермәләрен җибәрергә кирәк. Документларның төп нөсхәләре вузларга абитуриентлар тарафыннан тәкъдим ителә.

Быел Бөтендөнья татар конгрессы Татарстан вузларында медицина, икътисад һәм юридик юнәлешләр буенча максатчан белем бирү турында гаризалар кабул итмәячәк. Шулай ук профиль фәннәрдән БДИ билгеләре 65 баллдан түбәнрәк булган очракта да мөрәҗәгатьләр каралмаячак.

Абитуриентларга карата белдерелгән таләпләр турында тулырак мәгълүмат белән югары уку йортларының рәсми сайтларында танышырга мөмкин. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10