ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Казан триатлоны-2018 якшәмбе көнне башкала үзәгендә узачак
Семипалатта татар сәнгать мәктәбе бинасын булдыруда Татарстан ярдәм итәчәк
17 июльнең төп вакыйгалары - фото һәм сылтамалар
Себер татар яшьләре фестивале узачак көннәр билгеле
Президент Югары урбанистика мәктәбе студентларының проектларын уңай бәяләде

Мәдәният

Азнакайда Нәүрүз бәйрәме узды

20 март 2018, 02:00

Азнакайда Нәүрүз бәйрәме узды Мәктәп туклану комбинаты исә халыкны майлы ботка, кайнар чәй белән сыйлады.

(Азнакай, 20 март, “Татар-информ”, “Маяк”, Резеда Шәрипова).18 мартта Мәдәният йорты мәйданында Нәүрүз – кышны озату, язны каршылау бәйрәме узды, дип хәбәр итә район газетасы.

Ул театральләштерелгән тамаша белән башланып китте һәм кызыклы уеннар, иҗат коллективларының җыр-биюләре белән дәвам итте.

Азнакайлыларны муниципаль район башлыгы Марсель Шәйдуллин бәйрәм белән тәбрикләп, изге теләкләрен юллады.

Эстрада йолдызлары – Данир Сабиров, юмор остасы Фирүз Назиров, Татарстан халыклары Ассамблеясының таҗиклар оешмасы чыгышы да ямь өстенә ямь булды.

– Азнакаебыз елдан-ел матурлана, аның өчен гоуруланып яшибез. Менә бәйрәмгә дә үземнең җыр-моңнарымны алып килдем. Алга таба да якташларыма уңышларга ирешеп,шулай матур итеп яшәргә язсын, – ди Данир Сабиров.

Кар-буран дип тормаган, халык күмәкләшеп бәйрәм карарга килгән.

–Туйкәдә сайлау участогы ачылу белән үк тавыш биреп, концерт карарга килдем. Яшь чагым булса, үзем дә концерт куеп йөрер идем әле, – ди Чалтаймастан җор күңелле Тәслия апа Җиһаншина.

Мәктәп туклану комбинаты исә халыкны майлы ботка, кайнар чәй белән сыйлады, диелә район хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10