ҺАВА ТОРЫШЫ +26 oC

Яңалыклар

барлык хәбәрләр Татарстан Россия
МӨҺим
Әгерҗедә шәһәр Башкарма комитетына яңа җитәкче билгеләнде
Аксубайда, яшен сугып, өч катлы торак йортның түбәсенә ут капкан
Казанда яшәүче 100 яшьлек Закирә Габитова юбилеен билгеләп үтте
Италиядә яшәүче ир белән хатын велосипедларда Түбән Камага кадәр барып җиткән
Мөфти: Мәчетләр татар телен чикләүсез куллануның бердәнбер урыны дияргә була

Татар дөньясы

Мәдияр Хаҗиев: Татар халкын күргәзмәләргә йөрергә, рәсем сәнгатен аңларга өйрәтергә кирәк

19 март 2018, 14:29

Мәдияр Хаҗиев: Татар халкын күргәзмәләргә йөрергә, рәсем сәнгатен аңларга өйрәтергә кирәк Һәр татар төбәгендә рәсем галереяләре оештырырга кирәк, ди рәссам.

(Казан, 19 март, “Татар-информ”, Мөршидә Кыямова). Һәрбер татар төбәгендә рәсем галереясе оештырырга кирәк. Галерея аркылы балалар рәсем сәнгатен аңларга өйрәнер иде. Бу хакта “Татар-информ” хәбәрчесенә Татарстанның халык рәссамы, Б.Урманче премиясе лауреаты Мәдияр Хаҗиев әйтте.

“Татарны күргәзмәләргә йөрергә, рәсем сәнгатен аңларга өйрәтергә кирәк, - ди Г.Тукай премиясенә кандидат Мәдияр Хаҗиев. - Район үзәкләрендә галерея оештырсак, халык анда йөрер иде, балаларга кечкенәдән рәсем сәнгатен өйрәнү мөмкинлеге булыр иде. Күптән түгел генә яшь рәссам Ленар Әхмәтов Пермь өлкәсендә галерея оештырды. Лысьвенский районда өч татар авылы бер җирдәрәк таулар арасына урнашкан. Авылдагылар чеп-чи татарча сөйләшә, телләрен югалтмаганнар. Лысьва шәһәрендә дә күргәзмә ясадык. Заманында Лысьвада Хәсән Туфан сөргенлектә булган. Биредә ул татар мәктәбе ачкан, анда шагыйрь хөрмәтенә музей да эшли. Безнең күргәзмә белән кызыксынучы булмады, авыл халкы концерт тыңларга көтеп утырды. Без рәссамнар картиналарыбыз турында бәйнә-бәйнә сөйләдек, әмма концертка сусаган халык, без берни аңламадык, ди. Шуннан соң авылларының күренешләрен ясап, йортларын, кешеләрен киндергә төшереп чыктык та, клубтагы бер бүлмәдә күргәзмә ачтык. Икенче елны тагын 30 картина ясап бүләк иттек. Менә шуннан соң авыл агай-апалары рәсемнәрне карый башлады, таныш йөзләр, таныш табигать аша картиналарны яраттылар. Хәзер инде күрше авыл, районнардан да шушы галереягә киләләр. Халыкны тәрбияләргә генә кирәк”.

Мәдияр Хаҗиев 20 дән артык шәхси күргәзмә оештырган рәссам. Аның “Татар хатын-кызлары” дип аталган картиналар сериясе быел Габдулла Тукай исемендәге дәүләт премиясенә тәкъдим ителде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10