ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Боратынский музеенда гитара сайлаганда ялгышмау кагыйдәләре белән таныштырачаклар
22 июль Россиядә Халыкара Бокс көне буларак билгеләп үтелә
И.Гафуров дөньяви һәм дини уку йортлары өчен бердәм стандартлар кирәклеген әйтте
VIII Бөтендөнья татар яшьлəре форумы 1-5 августта Казанда узачак
21 июльнең төп вакыйгалары - фото һәм сылтамалар

Мәдәният

Салават Фәтхетдинов сәнгать өлкәсендә читкә тайпылу бар дип саный

19 март 2018, 13:35 , Фото: Рамиль Гали

Салават Фәтхетдинов сәнгать өлкәсендә читкә тайпылу бар дип саный Башта рус эстрадасына гына ияреп барабыз микән дип уйлаган идек, хәзер Европа, башка илләр юнәлешенә кереп киттек, ди җырчы.

(Казан, 19 март, “Татар-информ”, Чулпан Шакирова). Россиянең атказанган, Татарстанның халык артисты Салават Фәтхетдинов сәнгать өлкәсендә читкә тайпылу бар, ди. Бу хакта ул “Татар-информ” хәбәрчесенә сөйләде.

“Сәнгать өлкәсендә бүген ничектер читкә тайпылу бар. Саф татар моңына соңгы вакытта илебез кытлык кичерә. Башта рус эстрадасына гына ияреп барабыз микән дип уйлаган идек, хәзер Европа, башка илләр юнәлешенә кереп киттек. Бүген сәнгатьтә кризис дип әйтергә ярый микән аны, дөрес якка үзгәрмәү микән - ничек дип тә аңлата белмим, әмма нидер дөрес түгел. Әлбәттә, замана җиле үзенекен итә. Мода бит 10, 20 елдан соң кире әйләнеп кайта, сәнгатьтә дә шулай ул”, – диде Салават Фәтхетдинов.

Мэтр һәр нәрсәнең тәртибе гаиләдән башлана дип саный.

“Студентларыма да аңлатам: һәр милләтнең үз моңы, үз йөзе булырга тиеш дим. Үзегез беләсез, интернет заманы - нәрсә начаррак, шул балаларга йогынты ясый. Шуңа күрә, иң беренче, тәртип өйдә булырга тиеш. Әти-әни бирә алмаган дөрес юнәлешне илдән сорарга ярамый. Шуңа күрә мин һәр ата-анага мөрәҗәгать итәм. Өйләрендә балалары, оныклары белән тәртип салсыннар. Шул вакытта сәнгатьтә дә, башкасында да, илдә дә тәртип була”, – диде җырчы.

Искәртеп үтик, “Татар-информ” Салават Фәтхетдиновның гаиләсендә тәртип сала алмаган кешенең илдән тәртип сорарга хакы юк дигән фикерен дә язган иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10