ҺАВА ТОРЫШЫ +25 oC

Яңалыклар

барлык хәбәрләр Татарстан Россия
МӨҺим
Август аенда Казанның Даурия урамы өлешчә ябылачак
Татарстан пластик эшкәртү буенча лидерлар өчлегенә кергән
Четерекле мәсьәләләр буенча Болгар академиясе галимнәре җавап бирергә тиеш - М.Шәймиев
Түбән Кама районы хуҗалыкларына саву аппаратлары алу өчен 777 мең сум акча бүлеп биргәннәр
Татарстаннан читтә белем алучы студентларның беренче форумы Казанда була

Җәмгыять

Казанда сайлау комиссияләре эшенә тыкшынуның сигез очрагы булган

19 март 2018, 11:48

Казанның хокук саклау органнары хезмәткәрләре сайлау турындагы закон таләпләре бозылган 45 листовка һәм 47 буклетны конфискацияләгән.

(Казан, 19 март, «Татар-информ», Диана Авакян). Россия Президентын сайлау көнендә Казанның хокук саклау органнары хезмәткәрләре сайлау комиссияләре эшенә тыкшынуның сигез очрагына чик куйган. Россия Эчке эшләр министрлыгының Казан шәһәре буенча идарәсе башлыгы Алексей Соколов эшлекле дүшәмбе киңәшмәсендә шул хакта белдерде.

«Тавыш бирү көнендә сайлау комиссиясе тарафыннан сайлау турындагы законда билгеләнгән вәкаләтләрне гамәлгә ашыруга комачаулауга бәйле сигез, сайлау турындагы закон таләпләре бозылган агитация материаллары таратуга кагылышлы бер фактка чик куелды. Барлыгы 45 листовка һәм 47 буклет конфискацияләнде», - диде Соколов.

Әлеге фактлар буенча 11 административ эш кузгатылды, диде ул.

18 мартта тавыш бирү башланганчы барлык объектлар да кинологлар тарафыннан тикшерелгән, бөтен сайлау участоклары да металл детекторлар белән җиһазландырылган, җәмәгать тәртибен саклауга 2 меңгә якын полицейский җәлеп ителгән.

«Күрелгән чаралар нәтиҗәсендә шәһәр территориясендә җәмәгать тәртибен бозуга юл куелмады», - дип сүзен йомгаклады Соколов.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10