ҺАВА ТОРЫШЫ +25 oC

Яңалыклар

барлык хәбәрләр Татарстан Россия
МӨҺим
Гадәттән тыш хәлләр министрлыгы, яшенле яңгыр булганда, кагыйдәләр турында искәртә
Август аенда Казанның Даурия урамы өлешчә ябылачак
Татарстан пластик эшкәртү буенча лидерлар өчлегенә кергән
Четерекле мәсьәләләр буенча Болгар академиясе галимнәре җавап бирергә тиеш - М.Шәймиев
Түбән Кама районы хуҗалыкларына саву аппаратлары алу өчен 777 мең сум акча бүлеп биргәннәр

Сәясәт

Татарстанда Владимир Путин өчен иң күп тавышны Нурлат районында биргәннәр

19 март 2018, 07:07

Татарстанда Владимир Путин өчен иң күп тавышны Нурлат районында биргәннәр 19 март иртәсенә булган мәгълүматлар буенча, Владимир Путин республикада 82,90 процент тавыш җыйган.

(Казан, 19 март, “Татар-информ”, Лилия Гаделшина). Республика Үзәк сайлау комиссиясе бюллетеньнәрне эшкәрткән “Выборы” дәүләт автоматлаштырылган системасы күрсәткечләренә караганда, Татарстанда 19 март иртәсенә, сәгать 3кә, сайлаучылар иң күп тавышны Россиянең бүгенге Президенты Владимир Путинга биргән. Аңа 1 616 660 кеше үз тавышын тапшырган, бу – 82,90 процент дигән сүз.

Мәгълүм булганча, Россия Президенты вазифасына сигез кандидат дәгъва иткән иде.

Татарстанда шулай ук 19 март иртәсенә булган мәгълүматлар буенча, Владимир Жириновский – 2,91 процент (56 716 сайлаучы тавыш биргән), Павел Грудинин – 8,62 процент (168 076), Сергей Бабурин – 0,57 процент (11 090), Максим Сурайкин – 1,76 процент (34 309), Ксения Собчак – 1,21 процент (23 557), Григорий Явлинский – 0,77 процент (15 091), Борис Титов – 0,56 процент (10 925) тавыш җыйган.

Татарстанда барлыгы 2 860 693 сайлаучы исәпләнә. Владимир Путин өчен иң күп тавышны Нурлат районында биргәннәр – 98,14 процент. Кайбыч районында – 97,08, Аксубай районындагы күрсәткеч – 95,73 процент.

Иң аз дигәндә: Түбән Кама шәһәрендә – 70,88 процент, Казанның Авиатөзелеш районында – 72,58, Азнакай шәһәрендә – 72,63.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10