ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Җәмгыять

Әлмәттә наркопритон ачыкланган

16 март 2018, 00:00

Фатирдан мәк, файдаланылган шприцлар, мамык тампоннар, ацетоннан бушаган шешәләр табылган.

(Әлмәт, 16 март, "Татар-информ", "Әлмәт таңнары"). Әлмәт полиция бүлеге хезмәткәрләре күпкатлы йортларның берсендә наркопритон барлыгын ачыклаган, дип яза җирле басма.

Аларга Шевченко урамындагы бер йортта яшәүчеләрдән шундый хәбәр кергән. Тикшерү вакытында полицейскийлар фатир хуҗасының 34 яшьлек, беркайда да эшләмәүче, элек хөкем ителгән, спиртлы эчемлекләр кулланучы әлмәтле булуын ачыклаганнар. Ул үзенең фатирын наркотиклар җитештерү һәм куллану өчен наркоманнарга биреп торган. Фатирдан мәк, файдаланылган шприцлар, мамык тампоннар, ацетоннан бушаган шешәләр табылган.

Наркоконтроль бүлеге хезмәткәрләре ирне тоткарлаган. Аңа карата җинаять эше кузгатылган.

Гаебе расланган очракта аңа 4 елга кадәр ирегеннән мәхрүм ителү яный.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10