ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
Татар рәссамнары белән тарихчылар халыкка тарихи белем бирү проектларын башлап җибәрәләр
Татарстан әниләрен эшмәкәрлек нигезләренә бушлай укытачаклар
18 июньнең төп вакыйгалары - фото һәм сылтамалар
Варшавада татар кухнясы көннәрендә чәкчәк пешерергә өйрәтәчәкләр
Чиләбедә Татар халык театры яңадан эшли башлады

Мәдәният

Зилә Сөнгатуллина “ТНВ”да рояль булмавына канәгатьсезлеген белдерде

14 март 2018, 10:52

Зилә Сөнгатуллина “ТНВ”да рояль булмавына канәгатьсезлеген белдерде “Чабаксарда да, Йошкар-Олада да телевидениедә яхшы рояль тора”, - ди җырчы.

(Казан, 14 март, “Татар-информ”, Гөлнар Гарифуллина). Н.Җиһанов исемендәге Казан дәүләт консерваториясендә кафедра мөдире, профессор Зилә Сөнгатуллина “ТНВ” телеканалында рояль булмавына гаҗәпләнүен белдерде. Бу хакта ул кичә Дәүләт Советында Мәгариф, мәдәният, фән һәм милли мәсьәләләр комитетының музыка сәнгате үсешенә багышланган утырышында белдерде.

“ТНВ” дип сөйлибез, бөтен дөньяга күрсәтәбез. Нигә анда бер рояль да юк? Без киләбез, җырлый алмыйбыз. Электропианино белән азапландык. Ключарев уйнаган рояль кая? Әгәр зур пианист килсә, аны ничек күрсәтеп булыр иде телевидениедән? Чабаксарда да, Йошкар-Олада да телевидениедә яхшы рояль тора. Бу безнең мәдәниятнең күрсәткече”, - дип белдерде Зилә Сөнгатуллина.

Җырчы М.Җәлил исемендәге опера һәм балет театрында милли сәнгать өчен күп эш башкарылуын билгеләп узды. 7-8 татарча спектакль куелынуы зур казаныш дип атады.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10