ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
"Татар кызы-2018" республика сайлап алу турының җиңүчесе билгеле
Рөстәм Миңнеханов һәм Джанни Инфантино Казанда Испания - Иран матчын карый
Иртәгә Казанда яңгыр һәм көчле җил көтелә
2018 елгы Дөнья чемпионаты көннәрендә шәһәр яны поездларының маршруты үзгәрә
20 июньнең төп вакыйгалары - фото һәм сылтамалар

Мәдәният

Казанда Түбән Кама театры гастрольләре башланды

14 март 2018, 08:40

Казанда Түбән Кама театры гастрольләре башланды Гастрольләр 16 мартка кадәр дәвам итә.

(Казан, 14 март, “Татар-информ”, Рузилә Мөхәммәтова). Казанда Туфан Миңнуллин исемендәге Түбән Кама театрының гастрольләре башланып китте. Кичә театр коллективы Камал театрының Кече залында “Сихерче” спектаклен күрсәтте. Спектакль Нәбирә Гыйматдинова әсәре буенча куелган.

Бүген 13.00 сәгатьтә Рөстәм Галиевның "Карурман аша" дип аталган чын әкияте тәкъдим ителә. Ә кич белән Александр Островскийның "Бирнәсез кыз"ы күрсәтелә. Спектаклләрнең икесе дә "Россиянең кече шәһәрләре театрлары" федераль проекты ярдәмендә куелган.

Иртәгә театр Чыңгыз Айтматов әсәре буенча сәхнәләштерелгән "Анам кыры" спектаклен карарга чакыра. Әлеге спектакле белән театр Габдулла Тукай исемендәге Дәүләт премиясенә дәгъва итә.

Гастрольләр 16 мартта Туфан Миңнуллин пьесасы буенча куелган “Нәзер” спектакле белән ябыла.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10