ҺАВА ТОРЫШЫ +27 oC

Яңалыклар

барлык хәбәрләр Татарстан Россия
МӨҺим
“Казан-Арена” стадионында киләчәктә Татарстанның Спорт музее эшләячәк
Тукай районында Мәгариф идарәсенә яңа җитәкче билгеләнде
Владимир Леонов бәхәсле очракларны видеодан карау системасының нәтиҗәле булуын әйтте
Бөтенроссия Шукшин кинофестивалендә Татарстан режиссеры төшергән фильм күрсәтелә
Уфада яшәүче хатын-кызның, ипотека түләмәгән өчен, фатирын кире алганнар

Мәдәният

Инсаф Абдулла татар эстрадасында матур әдәби телдә сөйләшә алырдай яшьләрне тәкъдим итте

13 март 2018, 21:15 , Фото: Александр Эшкинин

Инсаф Абдулла татар эстрадасында матур әдәби телдә сөйләшә алырдай яшьләрне тәкъдим итте Бүген татар эстрадасының булачак артистлары сәхнә теле имтиханы булып барачак әдәби спектакль күрсәтте.

(Казан, 13 март, "Татар-информ", Рузилә Мөхәммәтова). Татар эстарадасына киләсе яшьләр Тукай шигырьләре, Гаяз Исхакыйдан башлап Марат Кәримовка кадәр язучыларның прозасы белән тәрбияләнә. Бүген “Татар-информ” хәбәрчеләре булачак эстрада артистларының сәхнә теле имтиханнарын тамаша кылды. Дәүләт имтиханының бер өлешен тәшкил иткән сәхнә теле имтиханнары “Тукайга кайту” инсценировкасы рәвешендә эшләнгән иде. Аның премьерасы Казан театр училищесының уку театры сәхнәсендә тәкъдим ителде.

Инсценировка авторы -  театрда сәхнә теле укытучысы Инсаф Абдулла. “Инсценировка Тукай шигырьләре буенча әзерләнде, Зиннур Мансуров шигырьләре дә керде, галимнәребез фикерләре кушылды. Тәрбия дини генә булмыйча, дини һәм милли булырга тиеш, дигән фикер кызыл җеп булып бара. Әдәби спектакльне курс җитәкчесе Марсель Мәхмүтов белән бергә әзерләдек”, - диде Инсаф Абдулла.

Әдәби спектакльгә татар эстрада курсындагы ун студентның бишесе алынган - дүрт кыз бала һәм бер егет. Алар бер сәгать дәвамында Тукайның киң таралмаган, дини һәм милли темага язылган шигырьләрен сөйләделәр, Тукайның дингә карашы турында тулы мәгълүмат бирделәр. Инсаф Абдулла әдәби композиция өчен иң тырыш студентларны сайлап алганлыгын әйтте, чөнки шактый озын һәм катлаулы текстларны хәтердә калдыру һәм тамашачыга җиткерү сорала.

“Безнең студентлар сүз ягыннан да, җыр ягыннан да эстрадада эшли алырдайлар. Без аларны матур әдәби телгә өйрәттек”, - дип горурлана студентлары белән Инсаф Абдулла.

Бүгенге әдәби спектакль 2 һәм 9 апрельдә кабатлап күрсәтеләчәк һәм чыгарылыш имтиханнары булып та бәяләнәчәк.

“Тукайга кайту” әдәби спектакленең тамашачылары театр училищесы студентлары иде. Тамашаны шулай ук шагыйрь, Татарстан Язучылар берлеге рәисенең беренче урынбасары Рәмис Аймәт тә тамаша калды. Ул әлеге композицияне киңрәк аудиториягә тәкъдим итеп була дигән фикердә. “Тукай атеист булган дип өйрәтелеп үскән безнең буын өчен дә бик кыйммәтле мәгълүмат бирелә”, - ди ул студентлар эшен мактап.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10